09 Extra Archeologs avran la fossa da Genatsch Genatsch è sepulì en la catedrala da Cuira. L'onn 1959 è sia fossa vegnida averta l'emprima giada e las restanzas perscrutadas scientificamain da l'antropolog turitgais Erik Hug (1911‒1991).Fotografia: Servetsch archeologic dal Grischun + En la fossa ha el chattà il skelet da Genatsch. La vestgadira preziusa era anc bain mantegnida er passa 300 onns suenter sia mort. Genatsch era vegnì mazzà l'onn 1639 cun ina sigir. Bain vesaivlas èn las fracturas da sia chavazza. Suenter las retschertgas cumplessivas èn las restanzas da Genatsch puspè vegnidas sepulidas.Fotografia: Servetsch archeologic dal Grischun + L'onn 2012 ha gì lieu ina segunda exhumaziun. Sut la direcziun da Manuel Janosa (Servetsch archeologic dal Grischun) ed accumpagnà da la Televisiun rumantscha è la fossa puspè vegnida averta ed analisada.Fotografia: Servetsch archeologic dal Grischun + La chavazza ed il skelet eran zugliads en ina vetta da sablun proteginta che Erik Hug aveva mess a chaschun da la resepultura da l'ossa l'onn 1961.Fotografia: Servetsch archeologic dal Grischun + L'antropologa Christina Papageorgopoulou auza ora la chavazza. Ella porta vestgadira da protecziun per betg contaminar l'ossa cun fastizs da sia atgna DNA.Fotografia: Servetsch archeologic dal Grischun + La scienziada prenda emprovas per in'analisa dal DNA ed inventarisescha tut las parts dal skelet.Fotografia: Servetsch archeologic dal Grischun + A maun dals maletgs da la chavazza, fatgs cun la tomografia computerisada, ha la fatscha pudì vegnir reconstruida. Per quest intent èn l'emprim vegnidas reconstruidas las parts da la chavazza che mancavan pervia da la decumposiziun ed alura han ins fatg in model traidimensiunal da plastilin.Fotografia: Servetsch archeologic dal Grischun +