07 Extra Cuira, citad da la mastergnanza Suenter l'incendi da la citad l'onn 1464 ha l'imperatur Friedrich III dà a Cuira il dretg da fundar mastergnanzas. Cun quai è la citad s'emancipada per gronda part da la pussanza da l'uvestg. Ils reglaments da mastergnanzas novs reglavan dad ussa davent la vita urbana. Tgi che vuleva pratitgar independentamain in mastergn u occupar in uffizi politic stueva esser burgais da la citad e commember da la mastergnanza. Dunnas, betg burgais u uschenumnadas «professiuns malonestas», sco per exempel il boier, eran exclus da las mastergnanzas (per tudestg).Maletg: Archiv da la citad da Cuira, StadtAC A I/1.55.03 + Perquai che Cuira era ina citad plitgunsch pitschna, èn differentas gruppas professiunalas vegnidas divididas en 5 mastergnanzas. En la mastergnanza dals viticulturs eran s'unids oravant tut ils possessurs da bains immobigliars.Grafica: Museum retic + En la mastergnanza dals chalgers eran sa reunids mazlers, cuntschapels e chalgers.Grafica: Museum retic + A la mastergnanza dals cusunzs appartegnevan martgadants da ponn, tagliaders, cromers, pellitschers, tessunzs, corders, cusunzs e chapellers.Grafica: Museum retic + Ils tagliacrappa, miradurs, lainaris, picturs, vaidrers, sellers, charrotschiers, tschercladers, roders, aurers, culaders da zin e ferrers faschevan part da la mastergnanza dals ferrers.Grafica: Museum retic + En la mastergnanza dals pasterners eran unids martgadants pitschens, vendiders da graun, ustiers, pestgaders, barbiers, bagnaders, cuschiniers e pasterners.Grafica: Museum retic + La stgatla d'elecziun serviva a la mastergnanza dals viticulturs sco urna tar l'elecziun dals uffizis. Ils commembers da la mastergnanza votavan cun agid d’in chip d'elecziun.Fotografia: Museum retic +