03 Extra Emprimas funtaunas scrittas en las Alps L'inscripziun a l'ur da la chanta cun pichel è la funtauna scritta la pli veglia dal Grischun. La chanta è vegnida chattada a Castaneda e datescha dal temp da fier. I sa tracta da bustabs lepontics, probablamain da l'uschenumnà «alfabet da Sondrio» che vegn legì da dretga a sanestra.Fotografia: Museum retic + La significaziun da l'inscripziun è dispitaivla. Forsa inditgescha ella il num dal producent: «Gusos ha creà [questa chanta]»Grafica: Museum retic + Er sin la stela da fossa da Lugano (Davesco-Soragno, 5. fin 1. tschientaner a.C.) chattan ins ina inscripziun lepontica: «slaniai:verkalai:pala/tisiui:piuotialui:pala» («monument da fossa da Slania Verkala, figlia da Verkos/monument da fossa da Tisios Pivotialos, figl da Pivotios»). La stela sa chatta en l'exposiziun a sanestra da la vitrina.Fotografia: Museum retic + L'inscripziun lepontica sin la stela da fossa da Mesauc-Benabbia sa cloma «raneni/ualaunal» («monument da fossa da Ranenos Valaunal, figl da Valaunos [?]»). Er questa stela sa chatta en l'exposiziun a sanestra da la vitrina.Fotografia: Museum retic +