04 Extra Fastizs da la vita romana a Cuira L'onn 1902 èn vegnidas fatgas per l'emprima giada exchavaziuns sin la plazza da la Markthalle a Cuira per analisar las structuras architectonicas romanas. Quai è stada l'emprima retschertga archeologica insumma en il chantun ch'è vegnida realisada tenor criteris scientifics.Fotografia: Servetsch archeologic dal Grischun + L'onn 1922 èn vegnidas a la glisch er las restanzas d'in stgaudament cun aria chauda (ipocaust). La tecnologia romana da stgaudaments mussa ch'i deva ina tscherta bainstanza en la pitschna citad da Curia.Fotografia: Servetsch archeologic dal Grischun + Fin oz han ins chattà a Cuira ils fundaments da circa 25 edifizis romans. I deva in martgà ed in bogn public, probablamain er in teater ed in tempel. La grondezza exacta da la citad romana Curia nun è dentant betg anc enconuschenta (per tudestg).Maletg: Mirs da fundament romans chattads en il Welschdörfli a Cuira. Grafica: Museum retic + L'onn 1975 èn picturas muralas romanas vegnidas a la glisch. Ellas mussan Mercur, il dieu roman dal commerzi. Bain visibel è sia batgetta da mess caracteristica. Il local ch'era ornà cun questa pictura serviva forsa sco lieu da radunanza per ils commerziants.Fotografia: Servetsch archeologic dal Grischun + L'onn 1986 èn parts da las exchavaziuns romanas a Cuira vegnidas cuvertas cun ina construcziun da protecziun tenor ils plans da l'architect grischun Peter Zumthor. Ellas èn accessiblas publicamain e pon vegnir visitadas individualmain. La clav pon ins retrair tar la recepziun dal Museum retic.Fotografia: Servetsch archeologic dal Grischun + Il lieu d'exchavaziun sin l'areal Ackermann, a l'intern da la construcziun da protecziun.Fotografia: Servetsch archeologic dal Grischun +