10 Extra Il cumbat per l'automobil Camiun tratg da chavals a Maiavilla. Il Grischun ha permess sco ultim chantun il traffic motorisà sin sias vias. Fin l'onn 1925 eran automobils scumandads. Tgi che vuleva traversar il chantun cun l'auto, stueva laschar trair el cun chavals.Fotografia: Archiv dal stadi dal Grischun, ASGR FR-A Sp III/9f – 010 + Auto tratg da chavals davant l'ustaria "Krone" a Cuira-Masans, avant 1925. Il scumond d'automobils aveva er da far cun temas da concurrenza: Viturins e postigliuns temevan per lur plazzas da lavur.Fotografia: Carl Anton Lang. archiv da la citad da Cuira, StadtAC F 13.001.018.006 + Propaganda da votaziun 1923. Sin squitsch da la Confederaziun ha il chantun stuì avrir ina ruta nord-sid per l'auto l'onn 1923. Cunter la voluntad da la populaziun ha quai pertutgà il Güglia ed il Surses. En quest inserat da votaziun preschentan ils adversaris da l'auto en Surselva la via dal Güglia averta sco exempel d'admoniziun.Fotografia: Museum retic + Fegl sgulant da votaziun dals adversaris da l'auto, 1925. Igl ha duvrà diesch votaziuns a l'urna fin ch’ils automobils han astgà charrar sin las vias grischunas. Il scumond d'autos è crudà ils 21 da zercladur 1925 (per tudestg).Fotografia: Museum retic +