10 Extra La fundaziun da la Viafier retica Persunas cun tuberculosa da tut l'Europa sa laschavan curar a Tavau. L'Ollandais Willem Jan Holsboer (1834‒1898) manava ensemen cun il medi Alexander Spengler ina chasa da cura. Per facilitar il viadi a las pazientas ed als pazients ha el inizià la construcziun d'ina viafier. Las lavurs da construcziun per il traject Landquart –Tavau han cumenzà 1888. Quai è stada l’entschatta da la Viafier retica.Fotografia: Museum local Tavau + Plan da la viafier dal Lucmagn da La Nicca, 1866. En il 19. tschientaner existivan divers plans per colliar cun ina viafier il Grischun cun l'Italia. In dals piuniers d'ina tala colliaziun è stà l'inschigner grischun Richard La Nicca. Cun l'avertura dal tunnel dal Gottard l'onn 1882 èn ils siemis grischuns d'ina viafier da las Alps orientala dads en l'aua.Maletg: Archiv dal stadi dal Grischun, ASGR P 01.17.2 + Placat da reclama da la Viafier retica cun l'urari dal traject Landquart-Claustra-Tavau, avert l'onn 1890: «Landquart-Tavau. La via la pli curta en Engiadina».Fotografia: Museum retic + Lavurs da construcziun vi dal viaduct da la Landwasser, enturn 1901. Per las lavurs vi da las lingias da viafier han ins savens engaschà lavurants talians. L'onn 1902 han ils emprims trens traversà il viaduct da la Landwasser. Questa punt è daventada ina icona dal traffic da viafier.Fotografia: Museum retic + Viafier a vapur (locomotiva a vapur Mallet) a Preda, cumenzament dal 20. tschientaner.Fotografia: Museum retic + Locomotiva electrica Ge 6/6, numnada «crocodil», 1939. Da quellas èn vegnidas empustadas 15 unitads durant ils onns 1921 fin 1929. Gia l'onn 1907 aveva la Viafier retica cumenzà ad electrifitgar sia rait da lingias.Fotografia: Museum retic + La staziun da Cuira enturn 1903/06. La staziun da Cuira è vegnida averta l'onn 1858 e transferida l'onn 1876 a la Gürtelstrasse, nua ch'ella sa chatta anc oz. Ils edifizis èn vegnids midadas pliras giadas en il decurs dals onns.Fotografia: Museum retic + Dapi l'onn 2008 fa la Viafier retica part dal Patrimoni cultural mundial da l’UNESCO (per tudestg).Placat: Uniun patrimoni mundial VR +