09 Extra La tschertga dal purtret original I dat mo in unic purtret da Gieri Genatsch che è vegni fatg durant sia vita. El è stà ditg en possess privat ed è vegnì exponì avant var 100 onns per in tschert temp en il Museum retic sco emprest. En l'euforia generala da Genatsch, evocada dal roman da Conrad Ferdinand Meyer, è il purtret vegnì copià da quel temp pliras giadas. Cur ch'ils possessurs han pretendì enavos il maletg original, è ina da quellas copias, fatga da Paul Martig, restada en il museum.Fotografia: Museum retic + Blers onns na saveva nagin, nua che l'original sa chattia. Fin che Manuel Janosa dal Servetsch archeologic dal Grischun è ì a la tschertga l'onn 2012. El ha chattà in maletg en possess privat che pendeva sco emprest en l'ambassada svizra a Paris. Cun agid d'in apparat da radiografar mobil ha el pudì cumprovar ch'i sa tracta effectivamain dal purtret original.Fotografia: Servetsch archeologic dal Grischun + Il maletg en ieli da l'onn 1636 mussa Genatsch cun 40 onns sin il punct culminant da sia carriera. Sia unifurma tradescha l'uffizier en servetschs franzos. La posa cun il maun sin la taglia è da schuldà: Qua vul in vegnir percepì sco cumbattant ardent e betg sco burgais prus e brav. Tals purtrets vegnivan fatgs en seria. Igl è cleramain visibel che la fatscha da Genatsch è vegnida malegiada d'in meglier artist ch'il rest dal maletg.Fotografia: Museum retic + Suenter che ses maletg è vegnì identifitgà sco original, ha la famiglia possessura decidì da surlaschar il purtret original al Museum retic cunter ina copia. L'artist Patrick Devonas ha copià il maletg entamez nossa exposiziun en il museum ed ha permess a visitaders e visitadras da persequitar sia lavur. Questa copia è uss tar ils anteriurs possessurs e l'original è en noss museum.Fotografia: Museum retic +