China, probablamain 2. mesadad dal 18avel tschientaner

In object da la China en il Museum retic? Durant il temp da la fundaziun na sa restrenscheva la collecziun anc betg als bains culturals dal Grischun. Per quest motiv posseda il museum er ina rimnada etnografica che cumpiglia objects da tut il mund.

Questa spada d'amulet sa cumpona da munaidas chinaisas da la dinastia Qing. Talas spadas duevan tegnair davent nauschaspierts e vegnivan savens regaladas a chaschun da nozzas. Pli tard cumpravan turistas e turists dal vest ils amulets sco souvenirs da lur viadis lontans. Il museum ha survegnì il portafortuna sco regal dal figl da pastiziers da Magdeburg Conradin Josty (1808‒1887).