Pompei, 1. mesadad dal 1. tschientaner

Questa glisch dad ieli fatga da bronz deriva da la citad romana da Pompei ch'è vegnida destruida l'onn 79 s.C. tras l'erupziun dal vulcan Vesuv. Decorà è l'object cun la figura mitologica dal Narziss.

La rescuverta da Pompei il 18avel tschientaner ha chaschunà in vair boom sin las ruinas anticas ed ha attratg fullas da glieud. En il decurs dal 19avel tschientaner, suenter exchavaziuns inizialas caoticas, han cumenzà perscrutaziuns sistematicas da la citad d'antruras. Cun la pretensiun da vulair preschentar «istorgia mundiala» ha er il Museum retic integrà en sia collecziun objects da Pompei ed ulteriurs relicts antics da la regiun da la Mar Mediterrana.