1895

garnitura da maisa da faienza da la famiglia von Salis

Strasbourg, enturn il 1754–1762

Dals 170 objects da faienza dal Museum retic resortan en spezial trais servis da vaschella dal 18avel tschientaner: in da quels è il grond servis da maisa ch'il directur dal museum Fritz Jecklin ha pudì cumprar il 1895 dal relasch d'Andreas von Salis.

La garnitura cumpiglia 34 tocs, da plats, plattas e sauciers fin ad ina zutgeriera. Ella è vegnida producida a Strasbourg en la manufactura da Paul Hannong. Da quel temp era la citad in center da producziun impurtant per cheramica exclusiva en l'Europa. L'entir servis è decorà cun fluras spezialmain finas e detagliadas a la moda franzosa.