Poschiavo, probablamain mez dal 19avel tschientaner

Cun agid da models da lain pon ins stampar, cumbinar e repeter facilmain musters sin tailas. Questa tecnica è probablamain oriunda da l'India, las tailas da mangola producidas en quella moda numnav'ins «indiennes».

En Svizra è la «stampa sin cattun» sa derasada a partir dal 17avel tschientaner. Cun ella hai dà novas professiuns: il dissegnader dal muster, il gravader che entagliava il lain ed il stampadur che struclava il model en il plimatsch da colur ed al smatgava sin la taila stendida.

En il Grischun n'ha l'industria da textilias mai pudì s'etablir tuttina sco en auters chantuns. Ils var 200 blocs per stampar sin taila en la collecziun dattan però perditga ch'ins stampava era qua sin taila.