Tumein, fin dal 17avel tschientaner

«Avant ch'il cot chanta, vegns ti a snegar mai trais giadas», ha Jesus preditg a Petrus. E tenor il Nov Testament ha el gì raschun.

Entant che las baselgias catolicas han ina crusch, è il cot sin il clutger en Svizra in segn distinctiv per baselgias refurmadas. Sa referind a l'istorgia biblica pon ins vesair el sco simbol per sinceradad e perdun.

Suenter in incendi han ins construì il 1692 in nov clutger a Tumein. Sin il spitg han ins postà quest cot, probablamain in'ovra da Samuel Broder, in fravi d'arom da Tumein. L'onn 1899 ha il clutger stuì far plazza ad ina construcziun nova ed il cot è vegnì en il Museum retic.