Sent, 19avel tschientaner

Ina planetta ornada sco segn d'amur: la garnitura da rocca mettev'ins en il rom da la roda da filar, nua ch'ella serviva per fermar las fibras da launa anc betg filadas. Talas planettas ornadas cun entagls e coluradas en tut las colurs regalavan veneraturs giuvens a lur elegidas sco segn per lur amur. Las frastgas da flurs da quest exemplar èn per part schizunt doradas. Questa garnitura da rocca è ina varianta tipica da l'Engiadina dal 19avel tschientaner.

Collecturs apprezieschan las garnituras da rocca sco represchentantas da l'art popular regiunal. A partir dal 20avel tschientaner ha er il Museum retic mess il focus pli fermamain sin ils objects da la cultura populara che han ina stretga relaziun cun il Grischun.