Valendau, 18avel tschientaner

Uras da sulegl mussan las uras cun agid da la posiziun dal sulegl. Perquai ch'els eran pitschens e simpels d'utilisar eran models portabels en furma da rintg, uschenumnads rintgs da purs, fitg populars tar la populaziun rurala.

Sin la vart dadens da l'ura da sulegl portabla èn nudadas las uras, sin la vart dadora ils mais. Per mesirar il temp ston ins drizzar il rintg intern uschia ch'el marchescha il mais actual. Lura lasch'ins pender l'ura vi da la chadaina e la maina vers il sulegl, uschia che la glisch dal sulegl dat tras la fora e mussa il temp sin la scala interiura. La notg e da dis da malaura na pudev'ins betg duvrar uras da sulegl.