Langwies, 19avel tschientaner

Ins tundeva las nursas l'atun suenter lur return da l'alp e la primavaira avant che chatschar ellas sin pastgira. Tar la tundida gidavan ils umens e las dunnas. Per che la nursa stettia airi, mettev'ins ella sin ina maisa e fixava las chommas cun ina pastuira ubain «zappla», sco quai ch'ins scheva en il Scanvetg. Grazia a la claviglia na pudeva l'animal betg sa deliberar. Quest exemplar han ins marcà cun la noda-chasa e las inizialas da la famiglia possessura.

La nursa tundev'ins cun la forsch da tunder gist sur la pel. Suenter gieva l'animal puspè tar sia scossa. La launa vegniva zavrada tenor sia qualitad, lavada e rasada ora per sientar.