Cuira, 1859

Nossa stadaira è stada en acziun al lieu da transtgargiada il pli impurtant da la citad da Cuira: en il Kaufhaus, la halla d'arvieuts sut la chasa municipala. Sco en strusch in auter lieu en il Grischun han existì qua durant tschientaners bleras differentas mesiras da cuntegn, da lunghezza e da pais ina sper l'autra. Suenter l'unificaziun federala da las mesiras il 1848 han ins tuttina anc ditg quintà cun las atgnas valurs en las differentas valladas ed ils divers vitgs.

Per las fatschentas quotidianas en il Kaufhaus ha quai signifitgà d'adina puspè stuair midar mesira, pasar e remesirar. Eventualas confusiuns pertutgant la mesira da lunghezza valaivla en la citad pudev'ins sclerir cun il «pe da Cuira», in fist da fier da 30 cm integrà en il mir al lieu.