Grischun, suenter l'onn 1837

Cura che la collecziun dad armas dal maior Hartmann Caviezel è arrivada en il museum, è quest mazzacun vegnì datà en il temp da la Guerra da trent'onns. Pir dacurt han collavuraturas e collavuraturs dal museum chattà ora che questa attribuziun è stada incorrecta. I sa tracta numnadamain d'ina arma d'ordonanza grischuna dal 19avel tschientaner.

In'arma tipica per il temp medieval vegn utilisada en in temp ch'ins fa daditg guerra cun chanuns e schluppets? En il Grischun ha quai gì motivs finanzials: i fiss stà memia char da dar a mintga schuldà da milissa ina buis – cumbattants pli vegls han survegnì anc fin ils onns 1860 in tal mazzacun.