lieu nunenconuschent, 1794

Ulysses von Salis è stà in dals Grischuns ils pli influents da ses temp. Suenter l'uffanza a Chiavenna e Soglio ed il studi da giurisprudenza ha sia carriera manà el en ils pli auts uffizis. Ultra da quai è el s'engaschà per differents projects illuministics, per exempel l'instituziun d'educaziun «Philanthropin».

Il 1768 è el vegnì delegà da la Frantscha tar las Trais Lias. Cun sia politica ha el irrità blers, cunzunt ils «Patriots». Da la confruntaziun cun la radunanza extraordinaria da las Trais Lias il 1794 è el fugì il 1794 ed è silsuenter vegnì bandischà dal Grischun. Il purtret malegià da Felix Maria Diogg (1762‒1834) mussa Ulysses von Salis da lez temp. Von Salis è mort a Vienna l'onn 1800.