Cuira, enturn il 1900

Il sport da skis modern ha chattà la via da la Norvegia en las Alps ils onns 1890. Ils skis eran savens or da lain fraissen, la liadira consistiva da channa spagnola e curegias da tgirom. Sin la vart sut dals skis vegnivan tatgadas pels da foca che gidavan dad ir ensi sin turas da skis.

Il sport è vegnì derasà da l'armada che ha equipà sias truppas da muntogna cun skis a partir dal 1911. En ils onns 1920 devi gia passa 100 clubs da skis svizzers cun var 7000 commembras e commembers. Il svilup ad in sport da massa ha però cumenzà pir cun la construcziun da l'infrastructura turistica correspundenta: l'emprim runal è vegnì erigì il 1934 a Tavau.