Vaz, 18avel u 19avel tschientaner

Pagliolas èn ditg stadas unicamain chaussa da las dunnas. A la parturidra assistiva ina spendrera, ina da las pli veglias professiuns da dunnas insumma documentabla. Per il pli sesevan las dunnas per parturir. La spendrera purtava ina sutga da parturir, ella sezza era tschentada sin in taburet als pes da la pagliolanca.

Pir a partir dal 18avel e 19avel tschientaner han ils umens surpiglià l'agid per pagliolancas: naschientschas en l'ospital, sut la surveglianza da medis cun ina furmaziun universitara, èn daventadas la regla ed han pli e pli chatschà a chantun las parts a chasa accumpagnadas da la spendrera. Era la posiziun da parturir è sa midada: sche la dunna giascheva, era quai pli cumadaivel – per il medi.