Jenins, 2. mesadad dal 18avel tschientaner

En il 18avel tschientaner eran ventagls in accessori popular ornads a moda preziusa e fatgs cun gronda premura. Noss exponat d'ivur, saida ed argient è in exemplar spezialmain luxurius.

El tutgava ina giada a Maria Anna Franziska Bessler-von Wattingen (morta il 1808), la consorta dal marschal Johann Heinrich Anton von Salis-Zizers. Quest ventagl custaivel suttastritgava ses aut status social. Schebain ella pudeva transmetter era «messadi secrets» cun quel, sco ch'i vegn pretendì qua e là, è da dubitar. Pertge l'existenza d'ina «lingua da ventagls», pia la communicaziun cun agid da tscherts gests, è plitost spira fantasia.