Cuira, 1794

Gia al cumenzament dal 18avel tschientaner èn cumparidas en il Grischun publicaziuns periodicas en tut las linguas chantunalas. Quellas infurmavan davart l'economia publica e purtavan contribuziuns geograficas, litteraras ed istoricas. A la discussiun politica u la polemica servivan dentant plitost ils fegls sgulants e pamflets.

La gasetta «Alpenbothe» sa considerava bain sco organ politic, ma en sias 18 ediziuns na chatt'ins betg ina singula novitad politica davart il Grischun.

Sco emprima e per in lung temp unica gasetta propi politica dal Grischun è cumparida a partir dal 1800 la «Churer Zeitung». Pir l'aboliziun da la censura da la pressa suenter il 1831 ha preparà la via per il svilup d'in schurnalissem en il senn modern.