Pasqual, enturn il 1770

En il 18avel tschientaner tutgava il tschop or da saida retgamada tar la gardaroba represchentativa per retschaviments uffizials e festas. Ins al purtava sco «habit à la française», cumbinà cun in brastoc, chautschas mez lungas or da la medema taila, las uschenumnadas «culottas», e chaltschiels da la medema colur. Noss exponat è oriundamain stà en il possess da la famiglia Salis-Soglio.

Il justaucorps («gist sin il corp») stat a l'entschatta da la via al vestgì dad umens dad oz – or dad el è sa sviluppà il frac ch'è or d'in auter material ed ha in culier cun in'autra furma. Ils vestgids dad umens dal 18avel tschientaner eran ornads en il medem stil generus e fatgs or da material gist uschè custaivel sco la vestgadira da dunnas da lez temp.