Cuira, 2. mesadad dal 19avel tschientaner

A partir dal 17avel tschientaner, cura ch'i na deva anc nagin kino, arranschavan umens da laterna preschentaziuns da maletgs sin fiera, en ustarias u sin tribunas da teater. Avant il public surstà projectavan els cun ina «laterna magica» maletgs da vaider en tuttas colurs sin las paraids: terras estras, animals selvadis, dramas en la natira, paraulas u scenas da l'enfiern plain sgarschur. Sco funtauna da glisch serviva la flomma d'ina lampa.

Quest spectacul da maletgs è vegnì chatschà a l'ur en il 20avel tschientaner dal nov medium film. La laterna magica è però restada anc ditg in giugaret popular dals uffants. Quests utensils èn vegnids producids industrialmain ed illuminads cun pairs electrics a partir dals onns 1920.