Cuira, 19avel tschientaner

En l'istorgia da la colonisaziun da Cuira era omnipreschent il privel d'incendis: quels dals onns 1464, 1574 e 1576 han destruì grondas parts da la citad. Era pli tard hai dà adina puspè incendis devastants, savens suenter ch'in chamin aveva piglià fieu.

La guardia da fieu era ina da las incumbensas permanentas dals guardians sin il clutger da la baselgia da s. Martin. En cas d'in incendi alarmavan els la populaziun.

Il relasch da l'urden da pumpiers, che ha introducì il 1834 in'obligaziun generala da far pumpiers, ha effectuà in progress decisiv en il cumbat dad incendis. Il 1880 èn ils emprims idrants vegnids installads sin il territori da la citad. In equipament pli modern ha remplazzà las sadellas d'aua.