Calanca/Masciadon, senza data

Gia bleras giadas è noss object vegnì numnà la «suletta poppa da lain existenta en vardad». La via en la collecziun ha la figura misteriusa chattà grazia al perscrutader da la cultura populara Peter Egloff che l'aveva scuvert durant ina spassegiada en Val Calanca.

L'istorgia da questa poppa è nunenconuschenta. Gist per quest motiv porscha ella ina surfatscha da projecziun per fantasias. Sia cumparsa singulara tira endament il «Sennentuntschi», ina materia da ditga fitg derasada en il territori alpin. La ditga tracta da pasters solitaris che zambregian ina poppa feminina e l'abuseschan sexualmain. Ella daventa viva e fa vendetga crudaivla: ella mazza il paster e stenda sia pel sur il tetg-tegia.