Cumbel, 1896

Dal 1828 fin il 1932 ha la famiglia Moser producì en sia cularia a Vaz brunsinas d'auta qualitad. La famiglia dal pievel viagiant dals Jenics gieva er a dis per cular brunsinas per ils purs.

Commerziants e mastergnants mobils eran impurtants en la societad purila, perquai ch'els furnivan rauba e servetschs a bains ed aclauns perifers. A partir dal 19avel tschientaner ha il stadi modern cumenzà a cumbatter la moda da viver viagianta. Ina rolla spezialmain inumana ha giugà la Pro Juventute cun sia «Ovra umanitara per ils uffants da la via»: tranter ils onns 1926 e 1973 ha ella prendì davent sistematicamain ils uffants a lur geniturs. Er en il Grischun èn documentads numerus cas.