Lindau, 1839

Questa fantschella da 27 onns ha gì il medem destin sco numerusas autras dunnas giuvnas dal pievel simpel rural. La miseria economica sfurzava ella da servir en chasadas burgaisas en la citad. Esser fantschella vuleva dir avair ina da las professiuns che vegnivan respectadas il pli pauc.

Emploiadas da chasa survegnivan ina paja miserabla e vegnivan savens era tractadas mal. Fin lunsch viaden en il 20avel tschientaner protegivan las leschas strusch ellas. Tranter ils patruns e las emploiadas devi in grond dischequiliber da pussanza.

Er il cudeschet da servetsch pudeva servir sco med da far pressiun cunter fantschellas. Mo in attestat impeccabel permetteva ulteriurs engaschaments.