Churwalden, 1898

Il Museum retic tegna en salv bunamain 200 uschenumnadas brevs da batten dals onns 1754 fin 1906. Da quel temp eri usità da regalar a la figliola u al figliol ina brev cun il «rap da batten» ed in verset da la Bibla sco regurdientscha al batten.

Questa brev da batten prestampada è suttascritta da la madritscha Margreth Walser. Ella è vegnida tegnida en salv cun amur en ina cuverta cun in maletg da Jesus en ina stgatla da chartun ornada. En la cuverta sa chattava plinavant in caum spezial per ils daners. La persuna che vegniva battegiada survegniva dal padrin e da la madritscha ina brev da batten sco portafortuna, regurdientscha ed attest da batten.