lieu nunenconuschent, enturn il 1726

Libertas suspensa – «La libertad è annullada». En questa successiun da maletgs sumeglianta ad in comic vegn rinfatschà a las autoritads da liquidar ils interess grischuns e d'esser corruptas.

Quest sboz d'in fegl sgulant crititgescha il «capitulat da Milaun» che las Trais Lias han concludì cun l'Austria il 1726. Cun quest contract han ins renovà las cunvegnas politicas, economicas e confessiunalas ch'ins aveva gia fixà cun l'emprim capitulat il 1639. Quai ha dividì las lias, damai che quai smanatschava da stgatschar la populaziun protestanta or da la regiun subdita da Chiavenna. Cunzunt la partida antiaustriaca Salis è s'engaschada fermamain cunter il contract. Tgi sa, sch'il dissegnader anonim da quest fegl sgulant fascheva era part da la partida?