Da la veglia republica al giuven chantun
Surdada da la Acta da mediaziun tras Napoleun. Perquai ch'ils Grischuns han refusà da conceder dapli autonomia a las terras subditas, hai dà la ruptura l'onn 1797. Ils Grischuns han laschà scader dus ultimatums che Napoleun als aveva fixà per cuntanscher ina cunvegna. Ils Franzos han occupà il Grischun ed han integrà il territori en la Republica helvetica. Cun l'acta da mediaziun da l'onn 1803 è il Grischun daventà in chantun da la Confederaziun.Maletg: Museum retic
+
L'emprima pagina dal document d'execuziun da la constituziun da mediaziun da l'onn 1803. Cun l'acta da mediaziun è il Grischun vegnì integrà en la Confederaziun, da la quala è resultada l'onn 1848 la Svizra dad oz (per tudestg).Maletg: Archiv dal stadi dal Grischun, ASGR II/3a
+
Jakob Ulrich Sprecher von Bernegg (1765‒1841) era commember da la «Partida patriotica» che ha sustegnì la connexiun dal Grischun a la Svizra. El ha fatg part da la delegaziun grischuna a Paris l'onn 1803. Suenter è el stà l'emprim president dal Cussegl grond en il nov chantun Grischun.Maletg: Museum retic
+
Construì l'onn 1752 sco domicil da la famiglia dals Salis-Soglio serva il «Neues Gebäu» dapi la fundaziun dal chantun 1803 sco sez da la Regenza grischuna.Maletg: Museum retic
+