08 – Posiziun dal object

Las Trais Lias

1. plaun

08

Las Trais Lias

Term Bel, Churwalden, Tumleastga, Domat 1722
08

Term Bel, Churwalden, Tumleastga, Domat 1722

Noss object d'exposiziun è il crap da cunfin original triangular da las Trais Lias. El marcava il punct, nua che las Trais Lias sa tutgavan geograficamain. Quest lieu sa chatta sur Cuira sin il Term Bel, in piz relativamain plat en il territori turistic da Brambrüesch.

La «Republica da las Trais Lias» è vegnida fundada il 16avel tschientaner cur che la Lia da la Chadé, la Lia Grischa e la Lia da las Diesch Dretgiras èn s'unidas. Cun la brev da federaziun da l'onn 1524 èn ellas sa dadas ina constituziun cuminaivla. Da questa fusiun n'è però betg resultà in stadi en il senn modern. Las Lias vegnivan furmadas da bleras vischnancas giudizialas pitschnas autonomas che prendevan decisiuns impurtantas a las radunanzas da burgais. I na deva ni ina regenza centrala ni ina chapitala. En las vischnancas possedevan in pèr paucas famiglias patrizianas gronda influenza. L'unica instanza politica cuminaivla era la Dieta. Là fixavan ils deputads da las vischnancas la politica exteriura u reglavan l'administraziun da las uschenumnadas terras subditas Vuclina, Clavenna e Buorm.

Ihr Browser unterstützt kein HTML5 Audio.