07 – Posiziun dal object

Ina citad refurmada sco sedia episcopala

1. plaun

07

Ina citad refurmada sco sedia episcopala

Il prospect da Knillenburg cun il plan da la citad da Cuira, enturn 1640
07

Il prospect da Knillenburg cun il plan da la citad da Cuira, enturn 1640

Il prospect da Knillenburg è in maletg en ieli dal 17avel tschientaner. L'incumbensader da quest maletg è probablamain stà l'uvestg da Cuira da quella giada, Johann Flugi d'Aspermont, che al tegneva en salv en ses chastè Knillenburg sper Meraun. El mussa la citad da Cuira dal temp modern tempriv or da la perspectiva d'utschè.

Sin il maletg èn distinguibels blers detagls urbanistics che caracteriseschan la citad fin oz. Ultra da quai mussa el er la situaziun confessiunala speziala da Cuira: sura è la curt catolica sco sedia episcopala, sut la citad refurmada. Ellas sa chattan fitg damanaivel ina da l'autra e tuttina èn ellas separadas cleramain da mirs gross.

La refurmaziun è s'etablida en il Grischun cun las disputaziuns da religiun da Glion da l'onn 1526. Dapi quella data ha mintga vischnanca dastgà tscherner sezza sia confessiun. Cuira, dapi il temp medieval tempriv il center da l'uvestgieu, è sa decidì per la nova cretta. Cun la fundaziun da mastergnanzas e cun reglaments da mastergnanzas èn ils burgais da la citad s'emancipads er politicamain da la pussanza da l'uvestg.

Ihr Browser unterstützt kein HTML5 Audio.