Genatsch, in «bestseller»
Nagin n'ha gidà a popularisar uschè fitg la figura da Genatsch sco il scriptur turitgais Conrad Ferdinand Meyer (1825–1898). L'onn 1876 ha el edì ses roman davart Genatsch, che è daventà ses cudesch cun il pli grond success. Fin oz influenzescha quest roman la vista sin Genatsch.Fotografia: Biblioteca chantunala dal Grischun, BCG Bb 37
+
Meyer è bain sa basà sin funtaunas istoricas, ha però fatg diever da sia libertad artistica cun scriver ses roman. El sez ha numnà Genatsch in «lumpazi», ch'el haja transfurmà en ina persunalitad. Uschia è ina figura istorica cuntradictorica sa midada en in cumbattant eroic per la libertad.Fotografia: Rudolf Ganz-Bartenfeld. Museum naziunal svizzer, LM-100061.18
+
Tenor Meyer è Lucrezia, la figlia da Pompejus von Planta che Genatsch ha assassinà, sia amanta. A la fin è ella quella che mazza ses amant ord spira desperaziun. La figlia istorica da Planta aveva num Katharina e nun è stada ni l'amanta ni l'assassina da Genatsch.Maletg: Museum retic
+