05 Extra La derasaziun dal cristianissem Tenor la legenda ha son Gliezi introducì la cretta cristiana en Rezia en il 5./6. tschientaner. Sia ossa è vegnida sepulida en la cripta da son Gliezi.Fotografia: Museum retic + Vers la fin dal 4. tschientaner, sut l'imperatur Theodosius I, qua da vesair sin ina munaida, è il cristianissem daventà religiun statala. Da qua davent eran cults pajauns scumandads.Fotografia: Servetsch archeologic dal Grischun + Chats d'in cuvel sper Ziràn mussan che cults pajauns èn vegnids tgirads anc ditg, malgrà ils scumonds. Probablamain vegnivan offridas unfrendas al dieu Mithra. A medem temp sa chattava en ina distanza da paucs tschients meters la baselgia da son Martin dal cristian tempriv.Fotografia: © Andrea Badrutt, Cuira + En il cuvel da cult èn vegnids chattads tranter auter passa 600 munaidas, numerus cristals e stgaglias d'in vasch da cult ritgamain decorà. Ils objects eran sternids sper l'ossa d'in um ch'era probablamain vegnì executà. L'entrada dal cuvel era cuverta. Probablamain è vegnida messa ina fin violenta a las praticas pajaunas durant il temp medieval tempriv.Fotografia: Servetsch archeologic dal Grischun + La midada religiusa po vegnir mussada er a maun da chats da fossas. L'onn 1963 han ins chattà a Panaduz in champ da fossas utilisà tranter il 4. ed il 7. tschientaner.Fotografia: Servetsch archeologic dal Grischun + Tut en tut han ins scuvert passa 700 fossas. Vi da la moda e maniera da sepulir pon ins differenziar tranter la tradiziun da sepultura antica da pli baud e tala da caracter cristian da pli tard.Fotografia: Servetsch archeologic dal Grischun + Las fossas pli veglias dal 4. e dal 5. tschientaner cuntegnevan objects funerals, qua per exempel bitgers e plats da crap da lavetsch. Tals mancan pli tard en las fossas. Tenor la cardientscha cristiana n’han ils morts nagin basegn d’equipament material en l'auter mund.Fotografia: Servetsch archeologic dal Grischun + L'onn 451 sa lascha cumprovar per l'emprima giada in uvestg cun il num Asinio a Cuira. Qua sa chatta er in dals monuments architectonics ils pli impurtants dal temp cristian tempriv al nord da las Alps: La baselgia da S. Steffan è vegnida construida en il 5. tschientaner e serviva sco fossa per ils uvestgs da Cuira. Ella sa chatta en la Scola chantunala dad oz ed è accessibla al public (la clav survegn ins en il secretariat).Fotografia: © Andrea Badrutt, Cuira +