Cuira, senza data

Noss object fatg d'in liament d'arom ed argient è il pli vegl bluztger enconuschent. La munaida cun la crusch caracteristica sin la vart davos ha servì fin il 19avel tschientaner sco med da pajament tipic per ils affars quotidians en il Grischun. La valur dal singul bluztger era modesta e vegn strusch ad avair tanschì per cumprar in paun.

Gia da bell'entschatta han ils fundaturs dal museum dà gronda paisa a la collecziun numismatica. Il di d'avertura avevan els ramassà var 1'500 munaidas da tut il mund.