probablamain Germania dal Sid, 1670‒1680
deposit da la vischnanca burgaisa da Cuira

Il buccal d'argient surdorà en furma d'in capricorn cun in chau demontabel deriva da la chasa municipala da Cuira. A partir dal 16avel tschientaner ha l'Europa importà gronds quantums d'argient da l'America. En consequenza èn sa sbassads ils pretschs dal metal prezius e la burgaisia bainstanta ha tuttenina pudì sa prestar vaschella e pusada d'argient, l'uschenumnada argientaria. Buccals en furma d'animals eran ordvart prestigius.

Er a Cuira èn s'etablids aurers ed argienters. La collecziun dal museum cumprova ch'els creavan surtut rauba simpla d'argient per il diever quotidian. Objects pumpus percunter derivan dad autras citads, cunzunt da Turitg u Augsburg.