derivanza betg determinada, 1670–1700

Davart intgins objects dal museum collectads ils emprims onns suenter sia fundaziun na datti quasi naginas infurmaziuns. Era da questa colonna cun il chau da Hermes na savain nus nagut, danor ch'ella è stada exponida en il plaunterren dasper ils renumads maletgs dal chastè episcopal che mussan il saut dals morts.

Atlas, in titan da la mitologia antica che porta il firmament sin sias spatlas, visualisava durant il temp medieval connexs cristians. Sco figura architectonica purtanta pudeva el simbolisar il penitent plain culpa. Er il medagliun decorà cun ina crusch che penda vi da la chadaina da nossa figura renviescha a quest context. En pli eran atlants elements architectonics populars da mobiglias u tavlegiads da la renaschientscha e dal baroc. Tals exempels enconuschain nus cunzunt dal Grischun dal Sid.