Meilen, 1610‒1620

Dasper la lantscha lunga era l'alumbard dapi il temp tardmedieval la pli impurtanta arma che ha savens decidì tgi che gudogna la battaglia. Fin en il 17avel tschientaner era el fitg popular tar ils Grischuns ed ils Confederads.

La collecziun dal museum cumpiglia passa tschient armas cun astas sco quella. Cunquai ch'ins ha fatg numerusas copias il 19avel tschientaner, n'èn dentant per bler betg tuttas uschè veglias sco quai ch'ellas paran. L'alumbard exponì pon ins dentant pelvair attribuir ad in ferrer dad armas da l'entschatta dal temp modern: Hans Balthasar Erhardt (ca. 1580‒1636) da Meilen ha fabritgà el.