Grüsch, 17avel tschientaner

Quest instrument da giaglioffa universal plegabel da bronz e mesch era in gidanter e cumpogn da viadi multifar: el cuntegna tranter auter in goniometer, ina bussola cun rosa dals vents, in'ura da sulegl ed in'ura da stailas, ils nums dals mais, ils segns dal zodiac sco er indicaziuns davart l'autezza dal pol da citads europeicas. Cun quest instrument pudev'ins damai mesirar anguls, observar il tschiel ed eruir il temp local, tant il di sco era la notg.

Malgrà sia universalitad era el en emprima lingia in object represchentativ per viagiaturs bainstants. Per intents scientifics era el memia pauc precis. Quest exemplar deriva da la famiglia von Salis a Grüsch.