Cazas-Tartar, 2. mesadad dal 18avel tschientaner

La sauma, il transport da rauba sin animals chargiads, era da gronda impurtanza economica per la populaziun grischuna. A partir dal temp tardmedieval èn las vischnancas per lung da las vias dal Pass dal Spleia e dal Pass dal San Bernardin s'unidas a sis associaziuns da transport cooperativas, uschenumnadas «portas». Sco ensaina tipica mussa lur bul Mercur, il dieu roman dal commerzi. Mintga porta gestiunava in tschancun tranter duas sustas, nua ch'ins transtgargiava mintgamai la rauba.

L'onn 1823 han ins fatg or dals tschancuns ina via charrabla. La sauma ha cun ina giada pers sia impurtanza. Il 1861 han ins abolì ils dretgs da porta.