Grischun, probablamain enturn il 1784

In gieu da chartas cun lingua secreta: en Surselva è il gieu da «troccas» anc oz popular. En il 17avel tschientaner han las chartas cun inscripziuns franzosas chattà la via en il Grischun. Quest set ha in producent da chartas da Soloturn stampà.

Il gieu ha 78 chartas, mintgamai 14 per colur, 21 troccas ed il nar. Per il solit vegn il gieu dà da quatter persunas. A l'entschatta da mintga runda infurmeschan ils giugaders lur partenari cun pleds codads rumantschs davart las atgnas chartas ed emprovan da cugliunar ils adversaris. Cun quest «tschintschar» vegn cultivada in'atgna cultura linguistica cun bleras nianzas.