St. Antönien, enturn il 1850

En il lavuratori da la famiglia Lötscher, en il vitg muntagnard da St. Antönien, han producì fin il 1898 durant quatter generaziuns tschintg vaschlers «cheramica Lötscher». Per il Grischun è quai stà il manaschi da vaschlers il pli impurtant dal temp nov. La collecziun cumpiglia bunamain 700 objects da la producziun dals Lötschers.

Quest chalimar engravà ed ornà cun flurs e rosettas ha davantora in deposit per la penna da scriver e secturs per la tinta e per il sablun da sterner. Producì el ha Christian Lötscher. El è stà responsabel per il manaschi en terza generaziun e valeva sco il mastergnant il pli talentà e renumà da la famiglia.