Cuira, 1634

Dapi il temp tardmedieval devan las uras publicas avant il ritmus dal mintgadi en las citads svizras, e probablamain er a Cuira. Ellas structuravan il di da lavur e clamavan las cartentas ed ils cartents dad ir en baselgia per far oraziun. Da las quatter uras citadinas veglias a Cuira èn duas sa mantegnidas: l'ura da la chasa municipala e noss exponat, l'ura da l'Obertor.

Il «drizzader d'uras» stueva trair si mintga di las uras da clutger veglias. Sch'ina stevan airi, saveva numnadamain mo in urer puspè far ir ella. Sco ch'i para è quai adina puspè capità, pertge ch'igl ha dà numerusas reclamaziuns pervia da drizzaders d'uras negligents.