Breil, 17avel tschientaner

Questa plauna or da la baselgia da Sogn Bistgaun a Dardin mussa la «furma d'in gìun» tipica per il 17avel tschientaner. Durant il servetsch divin steva il sacerdot cun il dies vers la raspada. Per quest motiv è la vart davos d'ina plauna la vart illustrativa. Ella mussa entamez la Sontga Trinitad – la columba dal Sontg Spiert, Dieu e Jesus – enramada da Maria e Josef.

Il fund da nossa plauna è da taila da glin modesta, ma cun sias surcusidas da saida, ils fils dad aur e las pagliettas adempliva ella tuttina las funcziuns represchentativas. La retgamada da la plauna è inventarisada sut la noziun «retgam tirolais» ed è vegnida fatga en la claustra Son Jon a Müstair.