Mut, 1520

Sin quest recipient da pulvra fatg or da la corna d'ina vatga èn engravads ils emblems da las Trais Lias: il capricorn, la crusch e «l'um selvadi». En pli porta el l'annada 1520. El deriva pia dal temp che muskets eran usitads.

Cun agid dal corn empleniv'ins la channa da l'arma cun ina pitschna quantitad da pulvra naira, metteva lien la balla e smatgava tut stagn e bain cun in fistet. L'impuls per il tir dev'ins cun ina corda ardenta. Questa procedura da chargiar era cumplitgada e betg nunprivlusa, perquai ch'in sajet pudeva ina u l'autra giada bain era vegnir davos ora.