1916

pressa da stampar

Strada, 1845‒1850

Questa pressa a fis fatga da laresch vegniva duvrada en l'Engiadina Bassa. Ditg valeva ella sco la pressa da stampar la pli veglia en las Alps: tenor stimaziuns duai l'object avair bunamain 400 onns.

Il 2017 han las expertas ed ils experts vulì savair la vegliadetgna exacta: in'examinaziun dendrocronologica (determinaziun da la vegliadetgna da laina a maun dals rintgs annuals) ha tradì che la pressa deriva en realitad dals onns 1840. Pia na fa ella betg impressiun cun sia vegliadetgna, mabain plitost cun il fatg ch'ins utilisava talas pressas a fis manualas en il Grischun anc en il 19avel tschientaner, cura ch'eran derasadas gia daditg maschinas da stampar industrialas.