Peist, probablamain suenter l'onn 1863

Leonhard Wilhelm da Peist n'è betg mo stà in enconuschent ferrer d'armas: en ses lavuratori studegiava e zambregiava el vi da tutta sorts utensils per chasa, funs e guaud. Sco pianist ed organist talentà era la construcziun d'instruments da musica ina da sias grondas passiuns.

Cura che «Meister Liehert» ha udì ch'in instrument nuvel, in armonium, saja arrivà a Cuira, è el ì immediat a guardar quel. A chasa ha el fatg suenter tut las parts. Las lieungas sonoras èn stadas las sulettas cumponentas prefabritgadas.

L'autodidact ha vendì ses instruments per 200 francs. Ultra da l'armonium exponì posseda il museum dad el er anc in «clavazin giraffa», in clavazin cun in spazi da resonanza sidretg.