Malans, enturn il 1880

Ils servetschs da mercenaris èn stads durant tschientaners in sectur economic impurtant per il Grischun. Umens giuvens gievan a far guerra en Frantscha, l'Ollanda, Spagna u l'Italia. Varsaquantas famiglias patrizianas eran directamain sa spezialisadas sin quest servetsch mercenar lucrativ. Ina da quellas è stada la famiglia von Sprecher cun represchentants che han savens fatg carrieras militaras excepziunalas.

Cumbain ch'il stadi federal svizzer ha scumandà per gronda part il servetsch da mercenaris a partir dal 1859, èn blers Grischuns stads activs vinavant per signurs esters. Arthur Sprecher von Bernegg (1852‒1912) per exempel, il possessur da quest chapè a dus pizs, è la finala daventà general en servetschs austriacs.