1947

chat da munaida dal temp medieval tardiv

Stampa-Malögia, 1333‒1390

Betg lunsch davent dal Pass dal Malögia han uffants scuvert in dals pli gronds chats da munaida fin oz dal Grischun. Las sis munaidas d'aur e 362 munaidas d'argient en dus recipients da lain èn spert vegnidas vendidas a plirs cumpraders. Al museum èsi reussì silsuenter da cumprar enavos e reunir tut las munaidas en la collecziun.

Il chat cumpiglia principalmain munaidas da tempra lumbarda da Milaun e Pavia. In pèr paucs exemplars èn oriunds da Genua, Venezia e da la Germania dal Sid.

Sco la gronda part dals chats da munaida dal temps tardmedieval da la collecziun han ins scuvert era las munaidas da Malögia sper ina via da pass impurtanta. Ellas pon avair appartegnì ad in viagiatur u in commerziant.